વેદોમાં નિરુપિત વિજ્ઞાન

Abstract

ભારતીય પરંપરામાં વેદને હંમેશાં અપૌરુષેય માનવામાં આવે છે. બધા ઋષિ-મુનિઓ, આચાર્યો તેમજ વિવેચકો વેદને બ્રહ્મમાંથી નિ:સૃત માને છે. તેમના મતે સૃષ્ટિના આરંભે માનવની ઉત્પત્તિ થઇ ત્યારે તેના માર્ગદર્શન તથા સર્વપ્રકારે વિકાસ-કલ્યાણ અને સુખ-સમૃદ્ધિને માટે સર્વવ્યાપક તેમજ સર્વશક્તિમાન્ ઇશ્વરે પોતે વેદોનો ઉપદેશ આપ્યો હતો. નિરુક્તમાં કહ્યું છે - साक्षात्कृत्धर्माण: ऋषय: बभूव: । અર્થાત્ વેદમંત્રોને આત્મસાત કરનારા, સાક્ષાત્ દર્શન કરનારા ઋષિઓ થઇ ગયા. માનવની ભૌતિક તથા આધ્યાત્મિક પ્રગતિ અને ઉન્નતિને માટે સર્વપ્રકારનું આવશ્યક જ્ઞાન-વિજ્ઞાન વેદોમાં સમાવિષ્ટ છે, એ બાબત નિ:શંક છે.