નારીવાદની સક્ષમ રજૂઆત કરતું અને ફેમિનિઝમનું બાઈબલ : ‘એ રૂમ ઑફ વન્સ ઑન’

Abstract

વર્જિનિયા વૂલ્ફનો સમયગાળો (૧૮૮૨ થી ૧૯૪૧)નો છે. અંગ્રેજી સાહિત્યના જાણીતા લેખિકા જેમને ‘સ્ટ્રીમ ઑફ કોન્શિયસનેસ’ ટેકનીકના પ્રણેતા કહેવામાં આવે છે.રૂમ સિવાય તેમના બીજાં જાણીતાં પુસ્તકોમાં ‘મીસીસ ડેલોવી’(૧૯૨૫) અને ‘ટુ ધ લાઈટ હાઉસ’(૧૯૨૭)મળે છે.પતિ લીઓનાર્ડ વૂલ્ફ સાથે હોગાર્થ પ્રેસ નામે નામાંકિત પ્રકાશન સંસ્થાનો પાયો નાખેલો,તેના દ્વારા જ તેમના’એ રૂમ ઑફ વન્સ ઑન’પુસ્તકનું પ્રકાશન થયું છે.લંડન/ઇંગ્લેન્ડના ચિંતનશીલ લોકોમાં સંમાનનીય બ્લુમ્સબેરી ગ્રુપના સભ્ય અને નારીવાદનું અગત્યનું સુંદર સર્જન આપી જનાર એવા વૂલ્ફે ૧૯૪૧માં આત્મહત્યા કરી જીવનનો અંત આણ્યો હતો.